有了你的第33天

瞓到12時多，Jay打來叫我起身，佢玩通宵，朝早先返屋企!!!

搭98A轉14號巴士，O係佐敦翠華會合Jay和Joanna，先買車飛，lunch食左好多野：牛筋腩湯麵、雞翼撈麵、豬仔脆脆、茄通~ 好似競食大賽咁好快食晒d野，搭15:30車去深圳~

好耐無去過深圳，搭車條路線好似返工，過關時遇見放學過關回家的小朋友~~

上到去搭的士去歡樂谷，呢次玩左好多機動遊戲~ 原來好多野都收1730-1800，入去時已經係1715~! 先玩雪山飛龍過山車，離心力無海洋公園o個個咁勁~

再玩鬼屋，Disney好玩d~

好多野都收晒，得番近大門的遊戲~

玩了踫踫車，好耐無玩過，係咁撞好好玩~ ^^

再玩左4個狂fing的遊戲：龍捲風 (頭向下被半天吊不停fing，完全離座挨實安全攔，安全攔鬆開的話可以講拜拜了)、UFO (好爽的game)、風火輪 (勁重的安全欄，fing得好勁，不同角度都fing)、發現者 (fing得好勁，但我鍾意玩，係驚甩鞋)~

玩到8點幾搭地鐵去科學館站，Jay帶我們去大漁食野，原來呢度o既商場好多舖頭同香港一樣~

9點先去到，食左牛肉刺身 (韓式最好食)、魚生 (甜蝦、三文魚、金槍魚)、蒸蛋 (好cute)、牛肉鐵板燒、鵝肝蟹籽沙律、朱古力雪糕、生果，呢度刺身要三催四請先上，見到師傅整鐵板燒，都幾好食，只埋清酒飲~ 仲見到有人嘔~ 畀港紙的話$165一位~

食完搭的士去皇崗，轉直通巴落佐敦，先上Jay屋企拎番戰利品，搭的士送Jonna返酒店，Jay再送我回家，時為凌晨1:30am!

今日玩得好開心，仲識到新朋友 ^^  在你的身邊感覺很幸福 ^^